Um okkumLeigumálLeigubústaðirOrkulánArkitektakappingTíðindi
 
 
Bústaðir - Føroya bústaðafelag

Yviri við Strond 6
Postsmoga 215
110 Tórshavn
  Tel +298 40 10 00
bustadir@bustadir.fo
www.bustadir.fo


Upplatingartíðir

Mánadag til hósdag
Fríggjadag

  kl. 10:00 - 16.00
kl. 10:00 - 15.00


 
 
Almannaverkið og Bústaðir funnið góða stevið aftur

24.10.2014

Fundur hevur í dag verið millum Almannamálaráðið, Almannaverkið og Bústaðir, har bútilboðið á Íslandsvegi varð viðgjørt.

Niðurstøðan á fundinum var, at misskiljingar eru hendar í málinum, men greiða er nú fingin á hesum.  Arbeitt verður víðari við at skipa ætlaða bútilboðið á Íslandsvegi 22, og við at fáa øll tey formligu viðurskiftini í mun til bútilboðið uppá pláss.

Málið um bútilboðið á Íslandsvegnum er ein avleiðing av tí ovurhonds stóra tørvi, ið er á nøktandi bútilboðum, serliga í miðstaðarøkinum. Staðsetingin á Íslandsvegnum er ein bráðfeingis og fyribils loysn, og eru partarnir samdir um at seta ferð á arbeiðið at útvega fleiri nýggjar vardar bústaðir, sum eru bygdir til endamálið.

Partarnir harmast støðuna hetta málið hevur sett búfólk og grannalag í, umframt tað óhepna signal, ið er sent almenninginum um manglandi inklusión á bústaðamarknaðinum. Eitt signal, ið gongur beinleiðis ímóti øllum tí, ið arbeitt verður fyri.

Samstarvið millum Almannamálaráðið, Almannaverkið og Bústaðir um at skipa bústaðaøkið hevur verið fyrimyndarligt. Bústaðir er bústaðapolitiska amboðið, ið skal fremja bústaðapolitikk landsins í verki, og hevur Bústaðir ein avgerandi leiklut at lyfta stóru avbjóðingina at veita fólki við serligum tørvi nøktandi bústað.

Hesa ábyrgd hevur Bústaðir fult og heilt tikið á seg. Eitt nú er avtala gjørd um, at Almannaverkið hevur ávísingarrætt til fimtu hvørja íbúð hjá Bústøðum, ætlað fólki við bústaðarsosialum tørvi.

Bústaðir og Almannamálaráðið hava eisini eina avtalu um, at Bústaðir útvegar vardar íbúðir í Klaksvík og Runavík, samstundis sum ætlanir eru um  at útvega vardar íbúðir í Havnini. Alt hetta júst fyri at tryggja inklusión samsvarandi bústaðapolitikki landsins.

Higartil í ár hava 24 fólk fingið íbúð frá Bústøðum umvegis Almannaverkið.

Almannaverkið og Bústaðir eru samd um at halda áfram at samstarva í tí góða anda, sum higartil hevur myndað samstarvið partanna millum.

Annika Olsen, landsstýriskvinna í almannamálum

Edvard Heen, stjóri, Almannaverkið

Andras Róin, stjóri, Bústaðir


 
Bíða eftir inngjaldskortinum

20.10.2014

Fleiri limir í Bústaðafelagnum hava longu flutt okkum ársgjaldið á 150 kr fyri at tryggja sær, at tey ikki verða strikaði av bíðilistanum til leigubústaðir. 

Hetta er ikki neyðugt, tí sum vit hava upplýst fyrr, so senda vit limum okkara eitt inngjaldskort, sum ársgjaldið skal gjaldast eftir. Vit vænta at senda inngjaldskortini fyrst í næsta árinum.

Tey, sum av misgáum hava flutt okkum pening, fáa sjálvandi peningin afturførdan.

Hevur tú spurningar, ert tú vælkomin at seta teg í samband við okkum. 


Tvíhús í Skopun til sølu


AddressaUm ognina
Prísuppskot
Bøherðan 15Byggiár1905
240 SkopunSlagTvíhús400.000
Matr. nr. Grundøki  115 m2
748 SkopunHæddir2 - umframt krúpikjallari                                      
                          Búvídd103 m2

Húsini eru bygd fyrst í 1900 talinum, og eru dagførd so líðandi. Nakrar ábøtur mugu tó gerast.

Húsini standa í friðaligum og barnavinarligum øki, og útsýnið er gott.

Húsini eru í trimum hæddum, harav tvær eru innrættaðar. Í miðhæddini er stova, køkur, baðirúm (sum ikki er liðugt), gongd, trappurúm og vaskirúm.

Á loftinum er baðirúm, gongd, trappuhol og trý sovikømur, harav tað eina ikki er liðugt. Eisini er krúpikjallari.

Ynskir tú at síggja húsini, ella at hoyra nærri, ert tú vælkomin at venda tær til Marjuna Weihe Thomassen á telefon 401002/228892 ella umvegis teldupost marjun@bustadir.fo.

 


 

 

 

 


 

 

 


 

 

 


 

 

 


 

 
her er ein tekstur við hvítum