ÍBÚÐABYGGING Á TVØROYRI

Dagfest 24-04-2013  

Bústaðir eru í løtuni í gongd við eina verkætlan at byggja tríggjar íbúðir á Heiðatrøðni á Tvøroyri.

Íbúðirnar liggja væl fyri í bygdini við góðum útsýni yvir fjørðin.

Tað er Albert Isfeld & Gudmund S. Hansen, arkitektar, ið hava teknað verkætlanina og høvuðsarbeiðstakari er Sp/f Roest. Íbúðirnar eru sera orkuvinaligar og uppfylla øll krøvini í BR10 byggiásetingini. Sp/f Roest hevur áður bygt tvær íbúðir av hesum slagnum, og tær standa beint við síðuna av íbúðunum hjá Bústøðum. Hesar íbúðirnar síggjast í myndasavninum niðanfyri, og koma íbúðirnar hjá Bústøðum at síggja júst soleiðis út, tá tær eru lidnar. Íbúðirnar eru 92 m² til støddar.

Tær eru innrættaðar við duri, køki og stovu í einum rúmi, grovkøki, tveimum sovikømrum, einum arbeiðsrúmi og eini hems. Harumframt er hjallur og steinsett terassa oman ímóti vegnum. Arbeiðið gongur væl og eftir ætlan standa íbúðirnar lidnar í august mánaða í ár.

viðkomandi

< >