Berjabrekka 2-24, Tórshavn

Talan er um tríggjar bygningar í tveimum hæddum við fýra íbúðum í hvørjum bygningi - tvær íbúðir í niðaru hædd og tvær í ovaru hædd. Íbúðirnar eru umleið 57 fermetrar til støddar. Inngong er í síðuni á bygningunum. Trappa er til íbúðrinar í ovaru hæddini. Íbúðirnar hava gongd, køk, stovu, kamar og baðirúm. Eitt lítið úthús er til hvørja íbúð. Íbúðirnar í niðaru hæddini hava terassu. Íbúðirnar í ovaru hæddini hava trappupall og altan.

Íbúðirnar verða tillutaðar umvegis Almannaverkið.

Verkætlanin er eitt samstarv millum byggifyritøkuna Bulur, Plan, Tórshavnar kommunu, Sinnisbata, Palla Gregoriussen, arkitekt, og Bústaðir.

Viðfesti	Stødd
Yvirlitsmynd við adressum og tekningar av íbúðunum Berjabrekka 2-24.pdf	866.29 KB

Óðinshædd II, 2. og 3. byggistig - Tórshavn

Á Óðinshædd í Tórshavn – millum Stoffalág og bygningin, har grannskoðanarvirkið Januar heldur til – er Bústaðir farið í holt við at byggja íalt 69 íbúðir og eitt felagshús. Fyrsta byggistig, sum fevnir um tær fyrstu 10 íbúðirnar, sum eru nærmast Stoffalág, blivu tiknar í nýtslu í 2020.

Annað byggistig við 20 íbúðum bleiv tikið í nýtslu í 2022. Talan er um randarhús í tveimum hæddum. Í hvørjari hædd eru seks íbúðir, ið hvør er umleið 85 m² brutto, og fýra íbúðir á umleið 42 m² brutto.

Í triðja byggistigi eru eisini 20 íbúðir, men har tað í hvørjari hædd eru átta íbúðir á umleið 85 m² og tvær íbúðir á umleið 42 m². Í hesum byggistigi eru 10 av teim størru íbúðunum tiknar í brúk í 2023 (Óðinshædd 81-97B), meðan tær seinastu 10 verða tiknar í brúk í 2024.

Tær størru íbúðirnar eru innrættaðar við duri, køki/stovu, grovkøki, baðirúmi og tveimum sovikømrum. Í hvørjum av 2. og 3. byggistigi eru tvær av størru íbúðunum í niðaru hæddini gjørdar, so at tær eru egnaðar til rørslutarnað at búgva í. Tær smærru íbúðirnar eru innrættaðar við duri, køki/stovu, baðirúmi og einum sovikamari. Íbúðirnar í ovaru hæddini hava eisini ovasta loft.

Allar íbúðirnar hava egna inngongd og terassu ella trappupall. Tvey felags garðøkir eru gjørd, har gott útsýni er yvir Nólsoyarfjørð. Goymslurúm kunnu takast í brúk í 2023. Felagshøli verður bygt í sambandi við fjórða byggistig, sum væntandi verður liðugt í 2024.

Íbúðirnar eru í friðarligum og barnavinarligum umhvørvi og við góðum parkeringsviðurskiftum. Tað er ikki langt í skúla og barnagarð. Stutt er til handils og til bussamband.

Viðfesti	Stødd
Byggistig 2 - tekningar av íbúðum við adressum.pdf	1 MB
Byggistig 3 - tekningar av íbúðum við adressum.pdf	1.22 MB

Blómubrekka 43-61, Tórshavn

Í verkætlanini á Blómubrekku/Berjabrekku verða íalt 38 nýggjar íbúðir bygdar.

Í fyrsta byggistigi, sum fevnir um fimm bygningar, har íbúðirnar eru bygdar sum tvíhús, eru íalt 10 íbúðir. Íbúðirnar eru uml. 110 fermetrar til støddar. Tær hava køk, stovu, fýra kømur og tvey baðirúm. Eitt lítið úthús er til hvørja íbúð.

Verkætlanin er eitt samstarv millum byggifyritøkuna Bulur, Plan, Tórshavnar kommunu, Sinnisbata, Palla Gregoriussen, arkitekt, og Bústaðir.

Viðfesti	Stødd
Blómubrekka 43-61 - Tekningar av íbúðum við adressum.pdf	1.31 MB

Í Mýrunum, Vágur

Byggivirkið Norcon hevur fyri Bústaðir bygt seks íbúðir Í Mýrunum í Vági.

Íbúðirnar eru bygdar í eini forskotnari, samanhangandi íbúðalon, sum er bygd í einari hædd. Íbúðirnar eru í tveimum støddum, har fýra eru umleið 87 fermetrar og tvær eru umleið 97 fermetrar brutto. Tær hava gongd, køk/stovu í einum, tvey kømur og baðirúm. Til íbúðirnar hoyrir goymslurúm á 4-5 fermetrar. Allar íbúðirnar hava terassu. Íbúðirnar verða hitaðar við jarðhita. Góð parkeringsviðurskifti eru framman fyri íbúðirnar.

Staðsetingin er góð, ikki langt frá Vatninum í einum øki, sum er ment nógv seinastu árini, eitt nú við smáttum, lund við spæliplássi og marghøll. Umhvørvið er friðarligt og náttúruvakurt við flestu stovnum og hentleikum nærhendis.

Viðfesti	Stødd
Tekning av íbúðunum.pdf	596.13 KB

Heiðatrøðin II - Tvøroyri

Á Heiðatrøðini á Tvøroyri hevur Bústaðir latið átta íbúðir byggja, tætt við har Bústaðir frammanundan hevur tríggjar íbúðir. Íbúðirnar hava adressu Heiðatrøðin 8A-8H.

Talan er um randarhús í einari hædd. Íbúðirnar eru í tveimum støddum, har tríggjar eru umleið 65 fermetrar brutto til støddar (nr. 8A, D og G) og fimm eru umleið 82 fermetrar (nr. 8B, C, E, F og H). Tær smærru íbúðirnar hava gongd, køk/stovu í einum, eitt kamar, baðirúm og goymslu. Tær størru íbúðirnar hava gongd, køk/stovu í einum, tvey kømur og baðirúm. Íbúðirnar hava eitt lágt goymslurúm á loftinum. Harafturat hoyrir goymslurúm á 3-4 fermetrar til hvørja íbúð. Allar íbúðirnar hava terassu, sum vendur suðureftir.

Íbúðirnar liggja væl fyri, ovaliga á Tvøroyri, við Føroya Keypssamtøku sum nærmasta granna. Íbúðirnar hava sera gott útsýni oman yvir fjørðin.

Íbúðirnar eru hitaðar við jarðhita. Góð parkeringsviðurskifti eru á økinum.

Viðfesti	Stødd
Tekning av íbúðunum.pdf	839.93 KB

Við Steigarbrekku - Sandavágur

Bústaðir hava latið byggja fimm íbúðir miðskeiðis í Sandavági við góðum útsýni oman yvir bygdina. Íbúðirnar eru bygdar í einari lon í einari hædd á einum grundøki, sum er umleið 2000 fermetrar á Steigabrekku 24-32. Jákup á Stongum, arkitektur, hevur gjørt upprunaligu tekningarnar av íbúðunum, sum Seve og Norðhús hava bygt.

Íbúðirnar eru umleið 81 fermetrar brutto til støddar hvør og hava gongd, køk/stovu í einum, vaski-/tøknirúm, tvey sovikømur og baðirúm. Til hvørja íbúð hoyrir úthús á umleið 7 fermetrar og terassa. Íbúðirnar eru hitaðar við jarðhita. Góð parkeringsviðurskifti eru á økinum.

Viðfesti	Stødd
Tekning av íbúðunum.pdf	969.21 KB

Undir Ryggi - Tórshavn

Bústaðir eigur gomlu húsini Undir Ryggi 4 - húsini hjá Drejaranum. Húsini eru í eldra partinum av býnum, tætt við havnalag, handlar og annað býarlív. Húsini eru varðveitt, so tey uttan hóska væl í grannalagnum, men eru nýmótansgjørd innan.

Húsini eru íalt umleið 70 fermetrar í tveimum hæddin við gongd, køki/stovu, baðirúmi og lítlum vaskirúmi í niðaru hæddini og tveimum kømrum í ovaru hæddini. Til húsini hoyrir ein hjallur. Ein lítil krúpihjallari er undir húsunum.

 

Óðinshædd II, 1. byggistig - Tórshavn

Á Óðinshædd í Tórshavn – millum Stoffalág og bygningin, har grannskoðanarvirkið Januar heldur til – er Bústaðir farið í holt við at byggja umleið 70 íbúðir. Fyrsta byggistig, sum fevnir um tær fyrstu 10 íbúðirnar, sum eru nærmast Stoffalág, eru lidnar.

Talan er um randarhús í tveimum hæddum. Í niðaru hæddini eru tvær íbúðir, ið hvør eru umleið 85 m² brutto, og fýra íbúðir á umleið 42 m² brutto. Á ovaru hæddini eru fýra íbúðir á umleið 85 m². Tær størru íbúðirnar eru innrættaðar við duri, køki/stovu, grovkøki, baðirúmi og tveimum sovikømrum.  Tann eina av størru íbúðunum í niðaru hæddini er gjørd, so at hon er egnað til rørslutarnað at búgva í. Henda íbúðin hevur eitt stórt sovikamar, har hinar hava tvey. Tær smærru íbúðirnar eru innrættaðar við duri, køki/stovu, baðirúmi og einum sovikamari.

Allar íbúðirnar hava egna inngongd og terassu ella trappupall. Parkeringsviðurskiftini eru góð. Sum partur av einum av komandi byggistigunum verða goymslurúm gjørd til íbúðirnar. Væntandi kunnu goymslurúmini takast í brúk í 2021/22.

Íbúðirnar eru í friðarligum og barnavinarligum umhvørvi. Tað er ikki langt í skúla og barnagarð. Stutt er til handils og til bussamband.

Viðfesti	Stødd
Byggistig 1 - tekningar av íbúðum við adressum.pdf	1.3 MB

Undir Bólheyggi - Sørvágur

Saman við Sp/f Westtech hevur Bústaðir latið fimm leigubústaðir byggja Undir Bólheyggi í Sørvági. Talan er randarhús í einari hædd  á umleið 70 fermetrar. Íbúðirnar hava sera gott útsýni yvir bygdina og havnalagið. 

Íbúðirnar eru allar eins við gongd, køki/stovu, tveimum kømrum, baðirúmi og úthúsi, sum eisini er tøknirúm.

Allar íbúðirnar hava terrassu.

Viðfesti	Stødd
Tekningar av íbúðunum.pdf	791.9 KB

Leiguíbúðir Á Kneysum - Toftir

Bústaðir og Byggivirkið KBH hava bygt 10 leiguíbúðir á Toftum. 
 
Íbúðirnar eru bygdar Á Kneysum, beint omanfyri havnarlagið á Toftum. Staðsetingin er góð, stuttur vegur er í skúla og gott útsýni er yvir fjørðin. 
Bygd eru tvey íbúðarhús, har leiguíbúðirnar eru í norðara bygninginum. Talan er um 10 leiguíbúðir, har tær seks eru umleið 50 fermetrar hvør og hinar fýra eru umleið 75 fermetrar hvør. Allar íbúðirnar hava úthús, gongd, baðirúm og køk/stovu. Tær minnu íbúðirnar hava eitt sovikamar, meðan tær størru hava tvey kømur. Allar íbúðirnar hava egna inngongd og terassu ella altan. Góð parkeringsøkir eru við bygningarnar.

Viðfesti	Stødd
Tekningar leiguíbúðirnar á Kneysum, Toftir.pdf	703.15 KB