Bakkavegur 16 - Vestmanna

Á Bakkavegi 16, miðskeiðis í Vestmanna, hevur Bústaðir umbygt ein bygning, sum m.a. fyrr hevur verið kommunuskrivstova, til sjey leigubústaðir.

Talan er um bygning í trimum hæddum, har tað eru tríggjar íbúðir í niðastu hædd, tríggjar íbúðir á miðhæddini og ein íbúð er á ovastu hædd. Ein útitrappa leiðir til íbúðirnar á teimum báðum ovaru hæddunum. 

Í niðastu hædd er ein stór íbúð á umleið 95 fermetrar við gongd, køki/stovu, trimum kømrum og baðirúmi. Talan er um íbúð, sum er egnað at búgva í hjá fólki við rørslutarni. Afturat hesi íbúðini eru tvær smærri íbúðir á niðastu hædd á umleið 45 fermetrar hvør við gongd, køki/stovu, kamari og baðirúmi. Á miðhæddini ein stór íbúð á umleið 93 fermetrar við gongd, køki/stovu, tveimum kømrum og baðirúmi. Afturat hesi íbúðini eru tvær smærri íbúðir á umleið 45 fermetrar hvør við gongd, køki/stovu, kamari og baðirúmi. Á ovastu hædd ein stór íbúð á umleið 93 fermetrar við trappuuppgongd, køki/stovu, tveimum kømrum og baðirúmi.

Til hvørja íbúð hoyrir goymslurúm á uml. 2-3 fermetrar.

Allar íbúðirnar hava terassu ella altan. Uttanum økini eru løgd við flísum.

Íbúðirnar liggja væl fyri, nær við havnarlagið, har serliga tær ovaru íbúðirnar hava sera gott útsýni yvir fjørðin. 

 

Sundsvegur - Hvannasund

Í Hvannasundi hevur Bústaðir bygt tríggjar íbúðir.

Íbúðirnar eru 84 fermetrar til støddar og innrættaðar soleiðis: køkur/stova, tvey sovikømur og baðirúm, har afturat er ein hjallur. 

Viðfesti	Stødd
Tekningar íbúðirnar í Hvannasundi.pdf	428.96 KB

Heimasandsvegur - Sandur

Á Heimasandsvegi 86 á Sandi, hevur Bústaðir latið fimm raðíbúðir byggja.

Íbúðirnar, ið allar eru eins, eru umleið 84 fermetrar brutto. Tær eru innrættaðar við duri, Køks-/alrúmi, baðirúmi og tveimum sovikømrum. Úr durinum er atgongd til øll onnur rúm. Eisini er eitt úthús til hvørja íbúð.

Allar íbúðirnar hava egna inngongd og terassu. Parkeringsviðurskiftini eru góð og bilur fæst til dyrnar. Harafturat eru allar íbúðirnar rørsluvinarligar.

Íbúðirnar eru í friðarligum og barnavinarligum umhvørvi, miðskeiðis í bygdini, stutt frá barnagarði.

Íbúðirnar lúka øll verandi krøv til bústaðabygging. Tær hava jarðhitaskipan og inniluftin verður tryggjað ventilatiónsskipan.

Karlamagnusarbreyt 32 - Hoyvík

Á Karlamagnusarbreyt 32 í Hoyvík hevur Bústaðir eitt íbúðahús við seks íbúðum. 

Á niðastu hædd eru tvær íbúðir á áleið 96 m² brutto. Hesar eru inrættaðar við duri, trimum sovikømrum, baðirúmi, depot rúmi og køks-/alrúmi. 

Hinar fýra íbúðirnar eru áleið 100 m² brutto í tveimum hæddum. Tær eru inrættaðar við duri, baðirúmi og køks-/alrúmi í niðaru hæddini. Í ovaru hæddini eru trý sovikømur og eitt wc. 

Arbeiðstakarar vóru Scandibyg, Sp/f Plan og Sp/f JEP Smíð. 

Viðfesti	Stødd
Tekningar íbúðirnar Karlamagnusarbreyt 32.pdf	483.88 KB

Karlamagnusarbreyt 34 - Hoyvík

Á Karlamagnusarbreyt 34 í Hoyvík hevur Bústaðir bygt 12 vardar íbúðir, sum verða tillutaðar umvegis Almannaverkið. 

11 av íbúðunum eru 54 m² brutto og eru innrættaðar við gangi, sovikamari, baðirúmi og køks-/alrúmi. Tann seinasta íbúðin, sum er áleið 100 m² brutto, verður brúkt til felagshøli. Harumframt hevur Almannaverkið skrivstovu har. 

Arbeiðstakarar hava verið Scandibyg, Sp/f Plan og Sp/f JEP Smíð. 

Viðfesti	Stødd
Tekningar íbúðirnar Karlamagnusarbreyt 34.pdf	598.17 KB

Stoffalág - Tórshavn

Í Stoffalág í Havn hava Bústaðir átta íbúðir. Hesar íbúðirnar eru ætlaðar til fólk við rørslutarni, og eru serliga innrættaðar til hendan málbólk.

Íbúðirnar vórðu upprunaliga bygdar í 1980unum, og vóru í 2017 høvuðsumvældar. 

Íbúðirnar eru 60 fermetrar, innrættaðar við køks-/alrúmi, sovikamari, baðirúmi og gongd. Uttanfyri er úthús sum kann brúkast til goymslu. Parkeringsviðurskiftini eru sera góð, og møguligt er at fáa bilin heilt til dyrnar. 

Blikagøta - Runavík

Á Blikagøtu í Runavík hava Bústaðir 16 íbúðir. Býlingurin á Blikagøtu fevnir um trý íbúðahús – tvey við seks íbúðum og eitt við fýra íbúðum. Øll húsini eru í tveimum hæddum, allar íbúðirnar í ovaru hæddunum eru 62 m², og tær í niðaru hæddunum eru 76 m². Tær minnu hava eitt sovikamar og tær størru tvey sovikømur. Felags fyri allar íbúðirnar er, at tær eru innrættaðar við duri, baðirúmi og køks-/alrúmi. Tær hava egna inngongd og altan/terassu. Harumframt fáa allir leigarar atgongd til egið goymslurúm. Uttanumøkið er snøgt, og parkeringsviðurskiftini eru góð. 

Íbúðirnar lúka øll nútímans krøv til bústaðabygging og hava grøna orkuskipan. Inniluftin verður tryggjað við ventilatiónsskipan.

Staðsetingin er góð - stutt er frá íbúðunum til skúla, barnagarð, handilsmøguleikar og stóra ítróttarøkið í Runavík. Harumframt er gott útsýni úr íbúðunum oman yvir býin.

8 av íbúðunum eru 62,3 m² brutto
8 av íbúðunum eru 76,2 m² brutto

Verkætlanin er úrslit av góðum samstarvi millum Almannamálaráðið, Runavíkar kommunu og Bústaðir. Sambært avtalu við Almannaverkið hava tey ávíst leigarar til sjey av teimum smærru íbúðunum. Eisini leigar Almannaverkið eina íbúð, har starvsfólk, ið varða av leigarunum kunnu halda til, og leigararnir kunnu hava felags tiltøk.

Viðfesti	Stødd
Støðumynd.pdf	60.25 KB
plantekning_Blikagøta_minna_íbúðin.pdf	1.75 MB

Dávagerði - Strendur

Á Strondum hava Bústaðir bygt raðíbúðir. Tær liggja beint niðanfyri skúlan á Strondum, og við síðuna av nýggja sambýlinum Sjóvarlon.

Íbúðirnar liggja í friðarligum og barnavinarligum umhvørvi, beint niðanfyri nýggju búsetingarnar upp á Fløtum. Stutt er til skúla og barnagarð. Harumframt er útsýnið framúr gott. 

Íbúðirnar eru innrættaðar við duri, køks-/alrúmi, baðirúmi og tveimum sovikømrum. Dururin er miðpunktið í íbúðini og hevur atgongd til øll onnur rúm. Harumframt er eitt úthús til hvørja íbúð. Allar íbúðirnar hava egna inngongd og terassu.

Parkeringsviðurskiftini eru góð og bilur fæst til dyrnar. Harafturat eru allar sjey íbúðirnar rørsluvinarligar. 

Íbúðirnar lúka øll nútímans krøv til bygging, og tær hava góð ljós- og ljóð viðurskifti. Inniluftin verður tryggjað við ventilatión í øllum íbúðum.

Íbúðirnar eru 79 fermetrar brutto, umframt eitt úthús á 7 m².

Viðfesti	Stødd
Flatmynd íbúð Dávagerði Strendur.pdf	136.78 KB

Íslandsvegur - Tórshavn

Í vesturbýnum í Havn hava vit eini sethús við fýra íbúðum. Staðsetingin er góð og stutt er til allar hugsandi hentleikar. Húsini eru frá 1960unum, men eru dagførd so líðandi. Íbúðirnar eru 37, 39, 73 og 91 fermetrar.

Kráarbrekka - Klaksvík

Undir Kráarbrekku í Klaksvík eiga vit 24 íbúðir, sum eru sera væl egnaðar til eldri fólk.

Koyrandi er til allar íbúðir, eingi trappustig eru við útdyrnar, og íbúðirnar eru innrættaðar samsvarandi til fólk við rørslutarni. Íbúðirnar eru í einari hædd.

Undir Kráarbrekku eru trý íbúðahús við ávíkavist tíggju, átta og seks íbúðum. Lonirnar eru í tveimum hæddum, har útdyrnar til íbúðirnar í niðaru hæddini venda omaneftir, meðan tær í erva venda niðaneftir. Allar íbúðirnar hava terassu og sólargangurin er góður. Bæði oman- og niðanfyri íbúðirnar kann sólin njótast líka til hon fer undir. Harumframt er útsýnið sera gott - serliga frá íbúðunum í ovaru hæddunum. Hvør íbúð sær hevur eitt lítið goymslurúm við útdyrnar og eitt úthús á umleið fimm fermetrar sum er á parkeringsøkinum við endan á hvørjari lon.

Íbúðirnar liggja í sera friðarligum øki og parkeringsviðurskiftini eru góð. Stutt er til allar hentleikar, og býarbussurin steðgar beint uttanfyri.

18 íbúðir eru 50 m²
6 íbúðir eru 70 m²

Viðfesti	Stødd
Kort yvir íbúðirnar.pdf	160.37 KB