FRAMSÝNING ÖSTRÖM

Dagfest 08-04-2012  

Í november 2012 skrivaðu Bústaðir og Arkitektafelag Føroya út arkitektakappingina “Skapa ein býling oman Mattalág”. Hugskotskappingin var skipað í tveimum pørtum.

Luttakarnir vórðu í fyrra lagi bidnir um at gera eina heildarætlan fyri økið, og í seinna lagi at skapa ein býling við 3 til 5 ymiskum íbúðasniðum, sum skulu nýtast sum sýnisgluggi fyri framtíðar íbúðabygging í Føroyum.

Freistin at lata uppskot inn var 4. mars 2013 og 19 uppskot komu inn. Øll innkomin uppskot verða sýnd fram komandi vikuskifti, og vinnararnir av kappingini verða heiðraðir á almennum tiltaki á fabrikkini hjá Öström á Skálatrøð í Havn fríggjadagin 12. apríl, kl. 15:00.

Framsýningin verður opin soleiðis:

Fríggjadagin 15:00-18:00

Leygardagin 10:00-18:00

Sunnudagin 14:00-18:00

 

Framsýningin er ókeypis, og øll eru hjartaliga vælkomin!

viðkomandi

< >