Jákup Ólavsson útbúgvin húsavørður
Dagfest 04-06-2021
Jákup Ólavsson úr Havn, sum síðani 2018 hevur verið í læru hjá Bústøðum, er í dag liðugt útbúgvin sum húsavørður. Steingrímur B. Funding hevur verið lærumeistari.
Jákup er tann fyrsti, sum hevur lokið hesa útbúgving í Føroyum. So hetta er ein heilt serligur dagur, bæði fyri yrkisútbúgvingar í Føroyum, fyri okkum sum lærupláss, men einamest fyri Jákup sjálvan.
Á hátíðarhaldi á skrivstovuni hjá Bústøðum í dag fekk Jákup handað yrkisprógvið og gávu frá lærumeistaranum og blómur og gávu frá læruplássinum.
Vit ynskja Jákupi bestu eydnu í framtíðini.