Kráarbrekka - Klaksvík

Undir Kráarbrekku í Klaksvík eiga vit 24 íbúðir, sum eru sera væl egnaðar til eldri fólk.

Koyrandi er til allar íbúðir, eingi trappustig eru við útdyrnar, og íbúðirnar eru innrættaðar samsvarandi til fólk við rørslutarni. Íbúðirnar eru í einari hædd.

Undir Kráarbrekku eru trý íbúðahús við ávíkavist tíggju, átta og seks íbúðum. Lonirnar eru í tveimum hæddum, har útdyrnar til íbúðirnar í niðaru hæddini venda omaneftir, meðan tær í erva venda niðaneftir. Allar íbúðirnar hava terassu og sólargangurin er góður. Bæði oman- og niðanfyri íbúðirnar kann sólin njótast líka til hon fer undir. Harumframt er útsýnið sera gott - serliga frá íbúðunum í ovaru hæddunum. Hvør íbúð sær hevur eitt lítið goymslurúm við útdyrnar og eitt úthús á umleið fimm fermetrar sum er á parkeringsøkinum við endan á hvørjari lon.

Íbúðirnar liggja í sera friðarligum øki og parkeringsviðurskiftini eru góð. Stutt er til allar hentleikar, og býarbussurin steðgar beint uttanfyri.

18 íbúðir eru 50 m²
6 íbúðir eru 70 m²

Viðfesti	Stødd
Kort yvir íbúðirnar.pdf	160.37 KB

Leigubústaðir, leiguprísir og framtíðar ætlanir

Niðanfyri sæst yvirlit yvir leigubústaðirnar, ið vit hava, hvørjar íbúðir eru í gerð og hvørjum verkætlanum arbeitt verður við. 

 

 

Verður bygt í løtuni:

 

Stað	Verkætlan	Íbúðir	Liðugt
Norðoyggjar
Klaksvík	Húsarhaldsskúlin	24	2025
Eysturoy
Fuglafjørður	Úti á Land	18	2024
Toftir	Á Kneysum (búfelagsskapur)	19	2025
Norðstreymoy
Streymnes	Heinagerði	7	2024
Suðurstreymoy
Tórshavn	Blómubrekka	16	2024
Tórshavn	Óðinshædd II	29	2024
Tórshavn	Heimasta Horn II	22	2023
Tórshavn	Dalavegur	44	2025
Tilsamans		179

 

Lidnir leigubústaðir: 

Stað	Býlingur	Íbúðir	Leiga, kr/mðr
Norðoyggjar
Hvannasund	Sundsvegur	3	6.304
Klaksvík	Biskupstorg	30	5.983-11.645
Klaksvík	Heygavegur	8	4.670
Klaksvík	Undir Kráarbrekku	24	4.659-6.005
Eysturoy
Oyrarbakki	Undir Bjørgum	8	5.216-6.002
Leirvík	Við Ranggil	5	4.331-5.549
Runavík	Blikagøta	16	5.014-5.995
Strendur	Dávagerði	7	6.103
Toftir	Á Kneysum	10	5.263-7.138
Norðstreymoy
Vestmanna	Bakkavegur 16	7	5.400-8.000
Suðurstreymoy
Tórshavn	Oman Mattalág	38	5.663-9.401
Tórshavn	Finsen	35	3.095-9.285
Tórshavn	Heimasta Horn	24	6.241-7.880
Tórshavn	Íslandsvegur	8	3.781-6.115
Tórshavn	Stoffalág	8	4.850
Tórshavn	Óðinshædd	22	4.796-6.866
Tórshavn	Óðinshædd II	40	5.210-9.660
Tórshavn	Skansin	12	5.995-9.589
Tórshavn	Næmingah. undir Fjalli	30	2.399-4.700
Tórshavn	Studentaskúlah. á Berjab.	16	1.963
Tórshavn	Undir Ryggi	1	7.000
Tórshavn	Blómubrekka 43-61	10	10.600
Tórshavn	Berjabrekka 2-24	12	7.200
Hoyvík	Karlamagnusarbreyt 34	12	5.068-8.173
Hoyvík	Karlamagnusarbreyt 32	6	8.392
Vágar
Sandavág	Steigarbrekka 24-32	5	8.400
Sørvágur	Garðsvegur	5	5.893
Sørvágur	Undir Bólheyggi	5	7.034
Sandoy
Skopun	Skúlavegur	2	3.447
Sandur	Heimasandsvegur	5	6.664
Suðuroy
Tvøroyri	Heiðatrøðin I	3	5.893-6.226
Tvøroyri	Heiðatrøðin II	8	7.800-9.500
Vágur	Við Kykslið	6	4.780-6.892
Vágur	Í Mýrunum	6	7.500-7.900
Vágur	Næmingah. til Ítróttarhásk. í Suðuroy	21
Tilsamans		458

 

Aðrar verkætlanir:

Niðanfyri verður kunnað um verkætlanir, sum vit arbeiða við, ella har talan er um møguleikar fyri íbúðarbygging. Tað merkir, at fyrireikingar eru í gongd, men at endalig støða ikki er tikin, um bygt verður. Gongdin higartil og tørvurin sambært bíðilistanum eru partar av avgerðargrundarlagnum. 

Stað	Verkætlan	Íbúðir
Norðoyggjar
Klaksvík	Undir Kráarbrekku II	27
Eysturoy
Fuglafjørður	Gamla kommunuskrivstovan	6
Strendur	Skúlavegur (búfelagsskapur)	15
Strendur	Skúlavegur	16
Suðurstreymoy
Nólsoy		4
Tórshavn	Venjingarskúlin	50+
Vágar
Miðvágur	Heiðar	10
Suðuroy
Hvalba	Snæbjarnarvegur	6

 

Oman Mattalág - Tórshavn

Á Mattalágarvegi í Tórshavn hevur Bústaðir bygt seks bygningar í tveimum hæddum við íalt 38 leiguíbúðum. Bygningarnir hava flagtekju. Bústaðir hava samstarvað við Scandi Byg, Sp/f Plan og Sp/f JEP Smíð um verkætlanina.

Talan er um 20 íbúðir á 54 m² brutto í einari hædd við einum kamari, 10 íbúðir á 100 m² brutto í einari hædd við trimum kømrum og 8 íbuðir á 104 m² brutto í tveimum hæddum við trimum kømrum. Allar íbúðirnar hava egna terrassu ella altan og goymsluklivar, sum eru á ovaru hæddini í hvørjum bygningi við atkomu við uttandura trappu.

Íbúðirnar liggja væl fyri í vøkrum øki í vesturbýnum, tætt við skúlar, barnaansing og við góðum bussambandi.

Íbúðirnar lúka øll nútímans krøv til bústaðabygging og hava grøna jarðhitaskipan.

Viðfesti	Stødd
Plantekning, Mattalágarvegur.pdf	132.2 KB
Býlingurin Oman Mattalág.pdf	600.69 KB

Heygavegur - Klaksvík

Við Heygavegin í Klaksvík hava vit átta vardar íbúðir til ungdómar við serligum tørvi. Har eru tvey íbúðahús í tveimum hæddum við fýra íbúðum í hvørjum.

Staðsetingin er sera góð í miðbýnum í Klaksvík. Stutt er til allar hugsandi hentleikar, t.d. innkeypsmøguleikar, skúlar, bókasavn, matstovur, fótbóltsvøll og svimjihøll.

Íbúðirnar lúka øll nútímans krøv til bygging, og tær hava góð ljós- og ljóðviðurskifti. Orkunýtslan er sera lág, og inniluftin verður tryggjað við ventilatión í øllum íbúðum.

Tær vardu íbúðirnar eru úrslit av samstarvi millum Bústaðir, Almannamálaráðið og donsku fyritøkuna Scandibyg, sum hevur bygt íbúðirnar. Tað serliga við hesi byggiverkætlan er, at bygningarnir vóru innfluttir av verksmiðju í Danmark. Hetta hevði við sær, at byggiarbeiðið gekk tvífalt so skjótt sum vanligt, tí sjálvur bygningurin varð gjørdur samstundis sum jørðararbeiði, fundament og innleggingar vórðu gjørd. 

Okkara samstarvsfelagar í verkætlanini eru Scandibyg og P/f Kanjon. 

Hesar íbúðirnar verða ikki bjóðaðar út eftir okkara bíðilista. Almannaverkið umsitur egnan bíðilista til íbúðirnar. 

Biskupstorg - Klaksvík

Við 30 íbúðum kring nýggja Biskupstorg í Klaksvík vilja vit geva eitt munagott íkast til framskygdu ætlanina fyri miðbýin, sum Klaksvíkar Kommuna hevur stungið út í kortið.

Íbúðirnar kring Biskupstorg skapa eitt samspæl við tað nýggja miðbýarøkið. Tá ið lunnar eru lagdir undir ein livandi og fjølbroyttan bý, verður hetta íbúgvum og vitjandi til gagns.

Íbúðirnar eru teknaðar við støði í nýggju miðbýarætlanini í Klaksvík, og hava vit umframt at hava ymsar almennar funktiónir í veghæd kring Biskupstorg, lagt dent á at hava eitt fjøltáttað úrval av leiguíbúðum í ovaru hæddunum. 

Allar íbúðirnar hava:

- rúmliga og nýtiliga terassu

- lætta atgongd fyri øll við innandura trappu og lyftu

- alrúm við vindeygum á báðum útsíðum, so ljósviðurskiftini eru góð

- nútímans baðirúm við plássi til vaski- og turkimaskinu

- stór kømur og arbeiðsrúm, eitt í hvørjari íbúð við beinleiðis útgongd til terassu

- privatan goymslukliva til súkklu og barnavogn í kjallarahædd

- gott útsýni yvir Biskupstorg, vágna, býin sum heild og náttúruna kring býin

- útsýni, men samstundis er hugsað um, at tað ikki sæst ov væl inn av torginum, so eitt ávíst privatlív er tryggjað

- burðardyggar íbúðir við góðari inniluft og dygdargóðum tilfari - ymiskar íbúðastøddir, ið nøkta ymsar tørvir

- arkitektoniskar dygdir, sum geva býnum og umhvørvinum vakurleika og fagurfrøðiligar upplivingar 

Tann góði bústaðurin er ikki einans góður innanveggja. Hann skal virka hond í hond við umhvørvið, býlingin og býin, hann er partur av. Vit hava lagt okkum eftir at hesir nýggju bústaðir lúka øll nútímans krøv.

Viðfesti	Stødd
Biskupstorg - 07.11.2018.pdf	1.87 MB

Undir Bjørgum - Oyrarbakki

Í friðarligum og náttúruvøkrum umhvørvi á Oyrarbakka hava vit tvey íbúðahús við fýra íbúðum í hvørjum. Grannalagið er gott og sera barnavinarligt. Sólargangurin er góður, og nakað av útsýni er yvir Sundalagið.

Íbúðirnar møta øllum nútímans krøvum til bygging, og tær hava góð ljós- og ljóðviðurskifti. Orkunýtslan er sera lág, og inniluftin verður tryggjað við ventilatión í øllum íbúðunum.

Ímillum bæði íbúðahúsini hava vit saman við Sunda kommunu gjørt eitt felagsøki við spæliplássi, sum øll í grannalagnum kunnu nýta.

Á felagsøkinum eru runnar og trø plantað. Hvør íbúð hevur sítt egna goymslurúm og hjall. Stutt er til barnagarð og skúlar, innkeypsmøguleikar o.a. Harumframt hevur tú vøkru náttúruna sum næsta granna.

4 íbúðir eru 92 m²
4 íbúðir eru 82 m²

Høvuðsarbeiðstakari var Sp/f Jóan Petur Vang. 

Viðfesti	Stødd
Innrætting íbúð á 82 fermetrar.pdf	359.49 KB
Innrætting íbúð á 92 fermetrar.pdf	362.17 KB

Óðinshædd - Tórshavn

Í náttúruvakra umhvørvinum á Óðinshædd í Havn hava Bústaðir 22 íbúðir í ymiskum støddum og sniðum.

Flestu íbúðirnar hava gott útsýni yvir Nólsoyarfjørð, og grannalagið er friðarligt. Stutt er til allar hugsandi hentleikar, og busssambandið er gott. Harumframt er matvøruhandil beint við. 

Allar íbúðir hava egna inngongd, og parkeringsviðurskiftini eru góð. Skúrur er til hvørja einstaka íbúð. Størru íbúðirnar hava hjall, og minnu íbúðirnar fluguskáp. 

Íbúðirnar lúka øll nútímans krøv til bygging. Tær hava sera góð ljós- og ljóðviðurskifti, og inniluftin verður tryggjað við ventilatión í øllum íbúðum.

Býlingurin fevnr um sjey bygningar - fýra bygningar við fýra íbúðum í hvørjum og tríggir bygningar við tveimum íbúðum í hvørjum. 

8 stk íbúðir eru 54 m², harav eru 4 stk tvey-rúms íbúðir og 4 stk eru trý-rúms íbúðir
8 stk íbúðir eru 83 m², og allar eru trý-rúms íbúðir
6 stk íbúðir eru 86 m², og allar eru fýra-rúms íbúðir

Harafturat hoyrir eitt uttandura goymslurúm á 3 m² til hvørja íbúð.

Palli Gregoriussen er arkitekturin aftanfyri verkætlanina.

Viðfesti	Stødd
Óðinshædd tekningar.pdf	612.45 KB

Við Ranggil - Leirvík

Miðskeiðis í bygdini í Leirvík hava vit fimm raðíbúðir. Hesar eru sera snotiligar og eru bygdar við íblástri úr gamlari føroyskari byggilist og gomlum byggisiði og hava flagtak. Framman fyri íbúðirnar er grasvøllur, og aftanfyri eru runnar og trø plantað fyri at fríðka um økið.

Frá íbúðunum er útsýnið norðureftir gott, og góði sólargangurin kann njótast á terassu, bæði framman og aftan fyri íbúðirnar. Hvør íbúð hevur sína egnu inngongd, parkeringsviðurskiftini eru sera góð, og bilur kann fáast til dyrnar.

Íbúðirnar møta øllum nútímans krøvum til bygging, og tær hava góð ljós- og ljóð viðurskifti. Orkunýtslan er sera lág, og inniluftin verður tryggjað við ventilatión í øllum íbúðum.

Íbúðirnar eru í sera friðarligum og barnavinarligum umhvørvi, og stutt er til allar hugsandi hentleikar, m.a. skúla, barnagarð, spælipláss, bowlinghøll, fótbóltsvøll og innkeypsmøguleikar.

3 av íbúðunum eru 78 m²
2 av íbúðunum eru 63 m²

Viðfesti	Stødd
Innrætting av íbúðunum við Ranggil.pdf	949.73 KB
Flatmynd allar íbúðir.pdf	1.73 MB

Garðsvegur - Sørvágur

Á Garðsvegi, miðskeiðis í Sørvági, hava Bústaðir fimm raðíbúðir. Úr íbúðunum er frítt og vakurt útsýni yvir bygdina og sandin.

Íbúðirnar eru staðsettar í friðarligum og barnavinarligum umhvørvi, og stutt er til allar hugsandi hentleikar, m.a. skúla, barnagarð, spælipláss, fótbóltsvøll og innkeypsmøguleikar.

Tær eru innrættaðar við duri, tveimum sovikømrum, baðirúmi og køks-/alrúmi. Í tí minna sovikamarinum er hems. Uppi á hemsinum er harumframt eitt rúmligt goymslurúm. 

Bæði framman og aftan fyri íbúðirnar kann sólargangurin njótast á terassu. Harumframt hevur hvør íbúð egna inngongd og bilur sleppur heilt til dyrnar, so parkerings- og atkomuviðurskiftini eru sera góð.

Íbúðirnar lúka øll nútímans krøv til bygging, og tær hava góð ljós- og ljóðviðurskifti. Orkunýtslan er lág og inniluftin verður tryggjað við ventilatión í øllum íbúðunum.

Íbúðirnar eru allar 85 m² og hava harumframt úthús.  
 

Viðfesti	Stødd
innrætting av íbúð.pdf	263.02 KB

Heiðatrøðin - Tvøroyri

Á Tvøroyri hava vit tríggjar stórar íbúðir, - tvær eru samanbygdar og ein stendur fyri seg sjálva. Íbúðirnar eru bygdar í vøkrum, nútímans byggisniði og hava flagtak.

Íbúðirnar eru rúmligar, og høgt er millum loft og gólv. Vindeyguni eru stór, og hetta ger, at tú kanst njóta útsýnið og lívið í grannalagnum innanífrá. Sólargangurin er góður, og hann kann njótast framman fyri íbúðirnar á steinløgdu terassuni, ið hevur eitt hálvtak út yvir. Hvør íbúð hevur egnan hjall, og eisini hava allar íbúðirnar egna inngongd bæði inn í gongina og í grovkøk. Uttanfyri er stórt tún, og parkeringsviðurskiftini eru góð.

Íbúðirnar lúka øll nútímans krøv til bygging, og tær hava góð ljós- og ljóðviðurskifti. Orkunýtslan er sera lág, og inniluftin verður tryggjað við ventilatión í øllum íbúðum.

Íbúðirnar eru í hugnaligum og friðarligum umhvørvi miðskeiðis á Tvøroyri. Stutt er til allar hugsandi hentleikar, sum t.d. matvøruhandil, skúla, barnagarð, ítróttahøll og fótbóltsvøll. 

Høvuðsarbeiðstakari var Sp/f Svend Roest. 

Viðfesti	Stødd
02 Flatmynd 1 v12.pdf	84.6 KB