Við Kykslið - Vágur

Við Kykslið í Vági – í hjartanum í býnum tætt við sandin og nýggju lundina – hava Bústaðir seks dygdargóðar íbúðir. 

Íbúðirnar lúka øll nútímans krøv til bygging. Tær hava sera góð ljós- og ljóðviðurskifti, og eru vælbjálvaðar. Trílags rútar eru brúktir og inniluftin verður tryggjað við ventilatión í øllum íbúðum.

Íbúðirnar liggja miðskeiðis í bygdini, og stutt er til allar hugsandi hentleikar.

Tað eru Vágs Timburhandil og lokalir handverkarar, sum hava staðið fyri byggingini. 

4 av íbúðunum eru 81 m²
2 av íbúðunum eru 137 m²

 

Viðfesti	Stødd
við Kykslið - Tekningar av íbúðunum.pdf	372.31 KB

Heimasta Horn - Tórshavn

Heimasta Horn er ein livandi býlingur í Havn við 96 íbúðum í átta íbúðahúsum. Bústaðir eiga tvey av íbúðahúsunum og tilsamans 24 íbúðir.

Náttúran kring býlingin er vøkur, og góða útsýnið yvir Argjalandið kann njótast til fulnar gjøgnum stóru vindeyguni í íbúðunum ella úti á altanini.

Íbúðirnar eru undir Gráasteini við Havnini á aðrari síðuni og Havnardali við øllum sínum náttúruupplivingum á hinari. Tað er stutt niðan á Rossagøtuna, ið førir heilt niðan á Oyggjarvegin ella út til fjósini í Havnardali.

Íbúðirnar lúka øll nútímans krøv til bygging. Tær hava sera góð ljós- og ljóðviðurskifti. Orkunýtslan er lág, og inniluftin verður tryggjað við ventilatión í øllum íbúðunum.

Stutt er til barnagarðar, skúlar, innkeypsmøguleikar og til busssteðgistað. Parkeringviðurskiftini eru góð.

Viðfesti	Stødd
Heimasta Horn - innrætting .pdf	121.17 KB

Skansin - Tórshavn

Mitt í Havn, yvirav tjóðardýrgripinum, Skansanum, hava vit 12 íbúðir í ymiskum støddum og sniðum.

Íbúðirnar hava frálíkt útsýni yvir Skansan og Nólsoyarfjørð. Útsýnið kunnu leigararnir njóta á egnari altan ella terassu. 

Staðsetingin av íbúðunum er sera góð, og stutt er til allar hugsandi hentleikar, t.d. matvøruhandil, bakara, barnagarð, skúla, musikkskúlan, fitnesssentur o.m.a.  Harumframt steðgar býarbussurin beint uttanfyri dyrnar. 

Íbúðirnar lúka øll nútímans krøv til bústaðabygging. Tær hava sera góð ljós- og ljóð viðurskifti. Orkunýtslan er lág og inni luftin verður tryggjað við ventilatión í øllum íbúðunum.

Allar íbúðirnar hava egna inngongd og parkerings viðurskiftini eru góð.

Arkitektarnir handan verkætlanina eru Albert Isfeldt & Gudmund S. Hansen

Viðfesti	Stødd
Skansin-tekningar.pdf	626.07 KB

Skúlavegur - Skopun

Mitt í bygdini í Skopun hava vit tvær íbúðir, sum eru í einum hugnaligum sethúsum, sum blivu høvuðsumvæld í 2013. Í umvælingini varð dentur lagdur á at varðveita tey gomlu eyðkennini í húsunum, og tað hevur eydnast sera væl. M.a. síggjast teir gomlu langbitarnir uppi undir loftinum enn.

Íbúðirnar eru í hugnaligum og sera friðarligum og náttúruvøkrum umhvørvi. Stutt er til skúlan, matvøruhandil og oman á ferjuleguna, har Teistin leggur at.

Uttanfyri er stórt tún, og parkeringsviðurskiftini eru góð. Báðar íbúðirnar hava egna inngongd.

Høvuðsarbeiðstakari var Jákup Martin Sørensen.

Viðfesti	Stødd
plantekning Skopun.pdf	297.85 KB